Stüde

Danter düc i aspec che les munts dá inant a sü mituns n’ él un dër particolar: l’ester concrec.

Jí jö

Essënza

Danter düc i aspec che les munts dá inant a sü mituns n’él un dër particolar: l’ester concrec. Na manira d’ester concrec che pó ester daverta, sinziera, leala. Autentica. Che sá da rové rodunt pro so travert, respetan porsones, tëmp y bojëgns. Avisa chësta coltivëii, i ti vá do de por de, sciöche mi pere m’á insigné. Adöm cun mi colaboradus oresson sté dala pert di profescionisć, di stüdi, de aziëndes cun competënza y le pinsier davert.

I ne sun nia consulënc, o dit damí, i ne sun nia ma chël. I orun ester partner, interlocuturs che é bogn da trasmëte crëta y segurté. I orun porté dant idees, no remedi o trus cörc por ti sciampé ai problems. Cun profescionalité, te na manira trasparënta y cun soluziuns personalisades. Tl respet dla privacy ciarunse da ester dagnora asvelc, trasparënc y efiziënc. Nos orun ti dé valur a chi che cheriëia valur, nia ma chël economich, deache i se sintiun pert de na comunité che i orun sostigní cun impëgn, cura, respet.

Sorà Giulio

Nosc jüch é chël de scuadra.

Partí, planifiché, se mëte a confrunt y inresce: le pröm obietif dl stüde é chël de sostigní le svilup organisatif de nostes strotöres. A na moda da ester tres plü cualificá, atifs y daimpró dai cliënc.

Nos portun inant na odüda generala, i cherdun tla colaboraziun danter nos y i sogun düc tla medema partida.

A chësta manira sunse dlungia a chi che s’á chirí fora, i ti dun sostëgn y crëta cun competënza y pitun n sorvisc de cualité.

Öna de nostes carateristiches fondamentales é le valur ch’i ti dun al tëmp. I savun che le tëmp é prezius y che an adora tëmp por crësce y mioré.

Porchël tignunse sön na comunicaziun daverta, trasparënta, che se basëia sön la crëta ti confrunc de düc nüsc partner aziendai, interns y esterns.

L’obietif de nos düc é chël da pité soluziuns personalisades, tleres y sön mosöra. I orun scemplifiché almanco n valgügn aspec de n monn tres plü caotich y compliché. Chësc vel por düc chi che damana do nüsc sorvisc.

Por nos é la trasparënza na cualité fondamentala.

Tan bela che l’ega se sá canche ara rogor ia y fora por chi rüs. Cun süa trasparënza cristalina y nëta, süa freschëza y energia che dá en mënt da rové indlunch. Avisa insciö s’imaginunse nosc stüde, sciöche l’andamënt dl’ega che rogor fora por posć vignitant complicá o intravaiá, mo tres cun la mascima trasparënza y les intenziuns tleres, por ti fá a scüsa a düc nüsc cliënc.

Corvara Sënta y ofizi

45 agn de esperiënza

Le dagní á raisc antiches. Chi che ne sá nia da olach’ai vëgn, se stentará da capí tan lunc ch’ai pó rové.

Nüsc valurs

Nos conesciun les realtés de nosta valada.

Cun le tëmp unse cherié na rëi de competënzes che se dëida lauré te deplü seturs dla consulënza fiscala, legala, di dërc tributars, comerziai y de sozieté. I capiun i bojëgns de chi che laora te n raiun ch’i conesciun instësc dër bun. A chësta moda ciafunse plü saurí soluziuns a sü problems.

Arees de competënza

Nos se dun da fá sön deplü fronc, respetan düc canc.

Nosta comunité é n moscedoz da corusc y formes desvalies. Turism, agricoltöra, profescionisć y comerzianc, artejans y uniuns no-profit: nüsc seturs de competënza é dinamics y flessibli por ti jí adincuntra a vigni sort de domandes y situaziuns spezifiches. I conesciun le teritore deach’i nen fajun pert.

I seturs de nüsc cliënc

Nos sun düc pert de öna na comunité.