Contatesse
Competënza

N rai d’aziun ampl.

Ciamps de competënza

Da öna na pert l’esperiënza de passa 40 agn, dal’atra na rëi de colaboradus spezialisá: ecomo ci che nes pormët da fá valch atira y avisa sön deplü fronc.

Partner de parora

Cun le tëmp unse cherié na rëi de partner de parora, cun esperiënzes stersces y en sintonia cun i valurs de nosc stüde, selezioná por garantí na soluziun a vigni sort de problem y podëi lauré tl medemo momënt sön deplü fronc.

Na consulënza unica

  • I rapresentun n referënt de parora unich te deplü seturs de consulënza
  • I sun n team jonn y dinamich
  • I garantiun la mascima profescionalité y scerieté
  • Crëta y responsabilité é nostes cualités plü importantes
  • I án passa 40 agn d’esperiënza te tröc seturs
  • I pitun consulënzes mirades y sön mosöra
  • I savun da ester concrec tl arjunje i obietifs ch’i se tolun dant

Tles materies fiscales adorunse nostes conescënzes cun cura da sartú. I realisun soluziuns strategiches fates sön mosöra por mëte sö na dita, ti stun do te so svilup y la daidun da crësce, zënza cuncé cosses cun remedi o trus cörc por ti sciampé ai problems. I mantignun dagnora na vijiun totala, ponsan al dagní en linia cun i mudamënc dles normes.

Nosc sorvisc de consulënza a 360 degrá pîta:

  • Assistënza y consulënza tl ciamp dles cutes diretes y indiretes, ince por cliënc da foradecá
  • Planificaziun y mioramënt fiscal de vigni soget (privat, dites, no-profit)
  • Preparaziun y trasmisciun de detlaraziuns fiscales por dites y privac
  • Preparaziun y trasmisciun de detlaraziuns de sozesciun cun mudamënc d’iscriziun
  • Assistënza y consulënza te fases de contestaziuns tributares (controi y verifiches fiscales)

Nos sun spezialisć ti sorvisc dl elaboraziun dles paghes, tl’assistënza ti caji de conflic cun dependënc y gestiun dl personal. I garantiun na consulënza sön mosöra che valutëia i bojëgns dla dita minimisan i risć de contestaziuns.

Chësc é ci ch’i fajun:

  • Elaboraziun de paghes y ademplimënt de düc i tipi de denunzies y detlaraziuns da pert di lauranc y dependënc
  • Redaziun di contrac de laur
  • Gestiun de posiziuns previdenziales
  • Assistënza ti caji de contestaziuns de laur y previdenziales (tratatives cun i sindacac)
  • Assistënza y consulënza di dërc dl laur

Nos ti dun valur a chi che cheriëia valur, cun soluziuns personalisades, profescionalité y trasparënza.

Nosta essënza

I ves daidun da realisé osta aziënda, i ves acompagnun sön döt osc tru y chiriun tresfora la miú strada por os. A chësta moda daidunse n svilup sann y a öna cun i obietifs fissá. Tratan la fasa de svilup daidunse l’aziënda en caje de trasformaziuns de sozieté, acuisiziuns, fujiuns y passaji danter les generaziuns.

Tratan dötes les fases de vita de n’aziënda, de sozietés y uniuns no-profit garantiunse assistënza y consulënza te deplü seturs, sciöche:

  • Redaziun di statuc y acordanzes parasoziales
  • Assistënza de sozieté tresfora la vita dl’aziënda
  • Operaziuns straordinares: zesciun d’aziëndes, conferimënc, fujiuns, despartiziuns y trasformaziuns
  • Zesciuns de cuotes y aziuns
  • Valutaziun de aziëndes (iudicat de stima)
  • Consulënza de contrac: contrac de cumpra y venüda de fabricac, de afit de aziënda, de apalt y agenzia
  • Atestac de donaziun y acordanzes de familia

Nosta competënza tla contabilité é gnüda tres plü sterscia cun le passé di agn. Aldedaincö savunse avisa tan importanta che la contabilité é da n punt de odüda strategich, tl controlling, tla comprenjiun di signai d’alarm, fondamentai por evité crises aziendales y sconé le patrimone ch’an á metü adöm. Implü pitunse n sorvisc de revijiun legala di cunc, volontara y obligatoria.

Chisc é nüsc seturs d’aziun tl detai:

  • Tignida y gestiun de contabilité scemplificada, ordinaria y di profescionisć
  • Gestiun dla faturaziun eletronica y di sistems telematics integrá diretamënter cun nosc software
  • Preparaziun di bilanc anuai obligatori o che vëgn fac ia por l’ann aladô di bojëgns dl cliënt
  • Elaboraziun dl business plan por valuté investimënc y por finanziamënc dla banca
  • Analises de bilanz y di vadagns
  • Elaboraziun di ademplimënc por la Ciamena de Comerz o d’atri ofizi publics
  • Revijiun legala di bilanc, volontara y obligatoria
Nos un crëta te ci ch’i fajun

I trasformun i bojëgns te soluziuns mirades

Nos orun contribuí cun cura da sartú al suzes de chi che cheriëia valur, cun l’aiüt de nostes conescënzes tl ciamp dla contabilité, fiscales, dl laur y de sozieté.

N rai d’aziun ampl

Anfat sce t’es n profescionist, na picera o gran aziënda, nos savun co te daidé.
Da öna na pert l’esperiënza de passa 40 agn, dal’atra na rëi de colaboradus spezialisá: ecomo ci che nes pormët da agí atira y avisa sön deplü fronc.

Nos se parun ite les manies

I sun n team dinamich, davert y inovatif. Nosc stüde é fat de porsones, nia de numeri o parametri standardisá. La confrontaziun, l’analisa, la inrescida y la lealté é nosc pan da vigni de. A chësta manira sunse de parora y dantadöt tröp deplü che ma consulënc.

Un na vijiun globala.