Contatesse
Seturs de ativité

Nos ti dun sbunf a ostes dites.

Seturs de ativité

Te sü passa 40 agn de ativité é le stüde chersciü deperpo che le setur turistich se svilupâ, fontana prinzipala dl bëgnester y dla richëza dla Val Badia. Tröc nüsc cliënc é porchël hotí, ativités comerziales y de restoraziun, profescionisć, dites artejanales y uniuns no-profit. Nosta manira da fá nes pormët da cherié consulënzes mirades, che sá da arvëne nüsc cliënc en direziun dl svilup y dl mioramënt costant de sües ativités. I ne pitun nia soluziuns standardisades, mo sorvisc sön mosöra y aladô di bojëgns spezifics de chi che nes damana nüsc sorvisc.

Te n setur tresfora en evoluziun y bindebó competitif ól ester na bona strategia d’ investimënc, controi de gestiun y na contabilité trasparënta. Nos daidun tüa dita cun na planificaziun avisa dles ressurses, tignan cunt dles alisiraziuns preodüdes dales normatives y cun n business plan che proa d'arjunje i finanziamënc. Deache les dites tl setur dl turism é gonot manajades te familia, savunse co organisé i passaji danter generaziuns, bindicé complesc y delicac, cun competënza, organisaziun y planificaziun.

Nosta esperiënza a to sorvisc:

  • Gestiun completa dla contabilité, dles detlaraziuns y dles bustes paga
  • Mioramënt costant dl’impostaziun fiscala y di contribuc
  • Preparaziun di business plan de basa por valuté la sostignibilité di investimënc y ciafé confermes di finanziamënc
  • Assistënza y consulënza por i passaji danter generaziuns dles dites
  • Assistënza de adatamënt dl svilup cun operaziuns straordinares sciöche fujiuns, trasformaziuns de sozieté y cumpra imobiliara
  • Gestiun avisa y fata tl dër momënt de domandes de contribuc aladô di mudamënc dles normatives
  • Assistënza costanta nia ma por chestiuns de contabilité, mo ince te atri ciamps

Cun le svilup dl turism él ince nasciü y chersciü tröpes aziëndes artejanales te nosta valada. Controlé avisa la gestiun y planifiché tl detai i investimënc imobiliars, suradöt sce an cumpra o frabichëia magazins, é te chësc setur dër important. I stun dlungia ales dites artejanales cun les dërtes indicaziuns por s’intopé cun i alisiramënc ti investimënc y tl sparagn fiscal. I mudamënc dl’IVA, n setur comples, se damana ajornamënc costanc por podëi garantí vigni de le dër aiüt a nüsc cliënc. Y deache tröpes dites artejanales é gonot manajades te familia, savunse co organisé i passaji danter generaziuns, bindicé complesc y delicac, cun competënza, organisaziun y planificaziun.

Chësc é ci ch’i fajun por daidé le svilup dles dites artejanales:

  • Gestiun completa dla contabilité, dles detlaraziuns y dles bustes paga
  • Mioramënt costant dl’impostaziun fiscala y di contribuc
  • Stüde y aplicaziun de materies por alisiré i investimënc 4.0 de iper-amortisaziun
  • Gestiun de soluziuns integrales de faturaziun eletronica
  • Preparaziun di business plan de basa por valuté la sostignibilité di investimënc y ciafé confermes di finanziamënc
  • Assistënza y consulënza por i passaji danter generaziuns dles dites
  • Assistënza de adatamënt dl svilup cun operaziuns straordinares sciöche fujiuns, trasformaziuns de sozieté y cumpra imobiliara
  • Gestiun avisa y fata tl dër momënt de domandes de contribuc aladô di mudamënc dles normatives
  • Assistënza costanta ince fora dl setur de pura contabilité

Por trá sö n’ativité comerziala ne bastel aldedaincö nia ma la vëia, l’energia y l’entusiasm da se dé jö cun na sfida nöia, al ó ince ëster l’ademplimënt dles pratiches burocratiches che reverda i dovëis por lege y les lizënzes. Nos se cruziun dl guant che passenëia le plü: i valutun la forma de sozieté che öga aladô dl tipo de ativité ch’an ó daurí, che tëgn cunt di contrac, ince imobiliars y d’afit, de alisiraziuns fiscales, di contribuc y scinacaje de finanziamënc. Tl caje de n’ativité bele operativa se crüzia le stüde a 360 degrá dla gestiun de contabilité, fiscala, di contribuc y dles ponsiuns dla dita.

Chisc é nüsc sorvisc por chi che ó daurí n‘ativité nöia o consolidé chëra bele operativa:

  • Gestiun completa dla contabilité, dles detlaraziuns y eventualmënter dles bustes paga
  • Mioramënt costant dl’impostaziun fiscala y di contribuc
  • Redaziun de atestac y consulënza di locai comerziai y i afic dla dita
  • Preparaziun di business plan de basa por valuté la sostignibilité di investimënc y ciafé confermes di finanziamënc
  • Analisa y gestiun de soluziuns che regolëia les concordanzes danter assoziá desvalis
  • Assistënza de adatamënt dl svilup cun operaziuns straordinares sciöche fujiuns, trasformaziuns de sozieté y cumpra imobiliara
  • Gestiun avisa y fata tl dër momënt de domandes de contribuc aladô di mudamënc dles normatives
  • Assistënza costanta ince fora dl setur de pura contabilité

Nos ti dun valur a chi che cheriëia valur, cun soluziuns personalisades, profescionalité y trasparënza

Nosta essënza

Nos conesciun le monn dles profesciuns lëdies. I savun che n bun profescionist á debojëgn de analises acortes y nia ma por ciafé le cheder fiscal plü adaté, mo ince por mioré i proiec. I savun tan gonot che les normatives se müda y i sun tres tl chirí les soluziuns che convëgn le plü a na moda da podëi arjunje n sparagn fiscal legitim. Nosta atenziun vá sön i aspec di contribuc, tl ademplimënt ordinar, mo ince tla planificaziun plü lungia ponsan ala ponsiun.

Nos se stun dlungia te chisc seturs:

  • Gestiun completa dla contabilité, dles detlaraziuns y dles bustes paga
  • Mioramënt costant dl’impostaziun fiscala y di contribuc
  • Gestiun dles casses dles ponsiuns privates
  • Assistënza tla digitalisaziun de n valgügn prozesc, sciöche dla faturaziun eletronica
  • Gestiun avisa y fata tl dër momënt de domandes aladô di mudamënc dles normatives
  • Assistënza costanta nia ma por chestiuns de contabilité, mo ince por te d’atri ciamps
  • Valutaziun dl chedr fiscal plü adaté

Denant che le turism trasformass te na manira radicala la valada, ê l’agricoltöra la forma d’economia plü importanta de nüsc raiuns. Le laur da paur rapresentëia fina aldedaincö nosta cultura y nostes raisc, porchël él n aspet che nes stá dër a cör. Les problematiches te chësc setur é aldedaincö bindebó complesses, al basta ponsé ales proprietés di terac o ala sconanza de dërc desvalis, sciöche chi dl bosch o dles pastöres. Nosc stüde pîta i sorvisc ordinars ghirá dales normatives atuales y na consulënza che se crüzia dla valutaziun di chedri fiscai desvalis y dl mioramënt fiscal o de contabilité dles aziëndes che laora te chësc setur.

Chisc é nüsc sorvisc por daidé i paurs:

  • Gestiun completa dla contabilité, dles detlaraziuns y eventualmënter dles bustes paga
  • Mioramënt costant dl’impostaziun fiscala y di contribuc
  • Valutaziun y analisa dl cheder de contabilité y fiscal IVA plü adaté
  • Assistënza costanta ince fora dl setur de pura contabilité

Le laur dles uniuns de volonariat á raisc dër stersces te nostes valades. Ares é de gran valüta por tigní adöm y fá crësce ince a livel cultural le bëgn de na comunité intiera. Finamai les normatives atuales tëgn cunt dl gran valur sozial dles uniuns, che pó porchël adoré sistems fiscai alisirá, mo che se ghira n’incadratöra coreta y na dërta gestiun. Nosc stüde é spezialisé ince te chëstes materies y sá da podëi contribuí al svilup de iniziatives nöies dër importantes por nosta valada.

Chisc é nüsc sorvisc concrec:

  • Gestiun completa dla contabilité, dles detlaraziuns y eventualmënter dles bustes paga
  • Mioramënt costant dl’impostaziun fiscala y di contribuc
  • Redaziun de atestac de costituziun y statuc
  • Assistënza tla digitalisaziun de n valgügn prozesc, sciöche dla faturaziun eletronica
  • Assistënza costanta ince fora dl setur de pura contabilité
Nos un crëta te ci ch’i fajun

I trasformun i bojëgns te soluziuns mirades

Nos orun contribuí cun cura da sartú al suzes de chi che cheriëia valur, cun l’aiüt de nostes conescënzes tl ciamp dla contabilité, fiscales, dl laur y de sozieté.

N rai d’aziun ampl

Anfat sce t’es n profescionist, na picera o gran aziënda, nos savun co te daidé.
Da öna na pert l’esperiënza de passa 40 agn, dal’atra na rëi de colaboradus spezialisá: ecomo ci che nes pormët da agí atira y avisa sön deplü fronc.

Nos se parun ite les manies

I sun n team dinamich, davert y inovatif. Nosc stüde é fat de porsones, nia de numeri o parametri standardisá. La confrontaziun, l’analisa, la inrescida y la lealté é nosc pan da vigni de. A chësta manira sunse de parora y dantadöt tröp deplü che ma consulënc.

Nos un na vijiun globala